1․ Ուշադրության կենտրոնացում և կառավարում: Ով կարողանում է պահել ուշադրությունը, հաղթում է արագությամբ և որակով։ Սա 21-րդ դարի գլխավոր ռեսուրսն է։

2․ Սկսած գործերը ավարտին հասցնելու ունակություն: Արդյունքները բերում են նրանք, ովքեր ավարտում են։

3․ Արագ որոշումներ կայացնելու և հարմարվելու ունակություն: Արագ արձագանքելը այլևս առավելություն չէ, այլ՝ նորմա։ Աշխարհը չի սպասում։

4․ Ռազմավարական տեսլական: Ով մտածում է շաբաթից այն կողմ, շահում է տարին։

5․ Բարդը պարզ ներկայացնելու հմտություն: Մարդիկ գնահատում են նրանց, ովքեր կարողանում են հասկանալի բացատրել նույնիսկ ամենաբարդը։

6․ Սկսել առանց իդեալական պայմանների: Եթե սպասում ես կատարյալ պահի՝ արդեն պարտվում ես։

7․ Մեծ ծավալի տեղեկատվության հետ աշխատանք: Տեղեկատվական հոսքերը աճում են, իսկ ֆիլտրել կարողանում են քչերը։

8․ Թվային գրագիտություն և ԱԲ-ի հետ աշխատանք: AI գործիքներից է կախված մեր արդյունավետությունը։ Այդ գործիքներին տիրապետողը աշխատում է 10 անգամ արագ։

9․ Մտածված հաղորդակցություն, հստակ խոսք և ազդեցություն գործելու ունակություն։ Խոսքը որոշում է գործարքները, հարաբերությունները և հնարավորությունները։

10․ Ինքնուրույն ուսուցում և արագ սովորելու ունակություն։ Աշխարհը արագ է փոխվում։ Ոչ ոք մեզ առաջ չի քաշելու։ Շուկան ինքնակարգավորվող է։

11. Հակամարտությունները լուծել առանց էմոցիաների։ Հավասարակշռված լինելը դարձել է գերհնարավորություն։

12․ «Ոչ» ասելու հմտություն։ Սահմանները խնայում են ժամանակը, նյարդերը և ռեսուրսները։

13․ Տվյալների վերլուծություն և թվերով մտածելու ունակություն։ Մաքուր փաստերը՝ մաքուր որոշումների հիմք են։ Փաստերը կարևոր են, ոչ թե զգացողությունները։

14․ Ճկունություն և փորձարկելու պատրաստակամություն։ Հաղթում է նա, ով փոխում է մարտավարությունը, ոչ թե նպատակը։ Աճում է նա, ով փորձարկում է։

15․ Անձնական բրենդի կառավարում և ոլորտում առանձնանալու ունակություն։ Մեր անունը մեր կապիտալն է։

16․ Բանակցելու հմտություններ։ Որքան լավ ես բանակցում, այնքան հեշտ է կյանքդ։

17․ Ռիսկերի կառավարում և իրատեսական պլանավորում։ Եթե չունես պլան Բ՝ չունես կայունություն։

18․ Լսելու հմտություն։ Հաղթում է նա, ով լսում է նրբությունները։

19․ Կարգապահություն և կայունություն գործողություններում։ Մանրուքները ձևավորում են բնավորությունը, անկանոնությունը խոչընդոտում է աճին։

20․ Ճիշտ հարցեր տալու հմտություն։ Ճիշտ հարցերը՝ ճիշտ մարդկանց և աղբյուրներին, բերում են ցանկալի արդյունք։

21․ Արագ տեղեկատվություն գտնելու ունակություն։ Ով երկար է փնտրում՝ արագ է պարտվում։

22․ Հետադարձ կապ տալու (կառուցողական, հարգալից) և ընդունելու հմտություն (առանց նեղանալու)։ Սա խնայում է տարիների սխալներ։

23․ Կապեր կառուցելու հմտություն։ Ուժեղ մարդիկ աճում են ուժեղ շրջապատի միջոցով։

24․ Ինքդ քեզ չծանրաբեռնելու ունակություն։ Ուժեղ է նա, ով կառավարում է իր ծանրաբեռնվածությունը։

25․ Արագ վերականգնվելու և էներգիան կառավարելու հմտություն։ Աշխատանքային այրումով մարդը չի կարող նոր գաղափարներով հանդես գալ։ Ով ունակ է վերականգնվելու՝ չի կոտրվում։

26․ Էմոցիոնալ կայունություն ։ Աշխարհը անկայուն է, հոգեկան վիճակը պետք է կայուն լինի։ Կայունությունը ուժեղ է զգացմունքներից։

Վերջին, բայց ոչ պակաս կարևոր` ամենաթերագնահատված կյանքի հմտություններից է՝ կանգ առնել, դադար վերցնել ու գիտակցաբար որոշել, թե արդյո՞ք այս իրավիճակը, դեպքը, իրադարձությունը և կատարվածը արժե, որ մենք մեր էներգիան ծախսենք: