1. Պատասխանատու նվնվացող 

Այս աշխատողը աշխատասեր է, պրոֆեսիոնալ, անկեղծորեն անհանգստանում է իր գործի համար: Հաճախ չի կարողանում "ոչ" ասել, չի կարողանում հստակ ձևակերպել իր հարցերը և փորձում է տանել "աշխարհի փրկչի" դերը։ 

Իր վրա է վերցնում ուրիշների սխալների ուղղումը և քննադատում գործընկերներին, ովքեր չեն կարողանում իր նման լավ կատարել աշխատանքը։ 

Պատասխանատու նվնվացողները ժողովներից հետո սկսում են բարձր խոսել (իսկ ժողովների ժամանակ լուռ են և գրեթե ամեն ինչի հետ համաձայնվում են) և բոլորին պատմում են, որ իրենք շրջապատված են հիմարներով և, որ ոչ մեկ նորմալ գործ չի անում և խանգարում է գործ անելուն: 

Այս աշխատողների համար բացարձակ կարևոր չէ, ունեն իրենք աջակիցներ, թե ոչ: Նրանք իսկապես ցավում են գործի համար, պարզապես այդ ամենը ցույց են տալիս այնքան, որքան կարող են: 

Պատասխանատու նվնվացողների հիմնական արտահայտությունները:՝

• Ես այլևս այսպես չեմ կարող; 
• Ես պատասխանատու եմ ամեն ինչի համար; 
• Մի՞ թե այլևս ոչ ոք չի կարող դա անել; 
• Ինչու՞ պետք է աշխատեմ նրանց համար; 
• Ես գալիս եմ առաջինը և գնում եմ վերջինը:

Խորհուրդ ղեկավարներին՝ եթե լավ աշխատողը հանկարծ սկսեց բողոքել և նվնվաց, իմաստ ունի ժամանակ գտնել և խոսել ծանրաբեռնվածության և զբաղվածության մասին, ինչպես նաև տալ կառուցողական և զարգացնող հետադարձ կապ:

Իսկ եթե իրավիճակը չի բարելավվում, ապա արդեն հարկավոր է այլ քայլեր ձեռնարկել, որպեսզի իրավիճակը չդառնա տոքսիկ և թունավոր, թե տվյալ աշխատողի համար, թե թիմակիցների: 

2. Կարիք ունի գովասանքի

Այս տեսակի աշխատողները նվնվում է չափազանց սրտանց և շատ զգացմունքային: Բողոքների մեջ անհնար է վերլուծել և բացահայտել պատճառը և էությունը, բայց հասկանալի է, որ աշխատողը իրեն հոգեպես լավ չի զգում: 

Նվնվացողների այս կատեգորիան փնտրում է գործընկերների աջակցությունը, փորձում է գտնել իրենց գործողությունների հաստատումը և հուզական աջակցությունը: Արտահայտություններում նույնպես լսվում է «ես եմ հերոսը», սակայն այս դեպքում նաև հստակ լսվում չասված հետևյալ միտքը՝ «վերջապես ուշադրություն դարձրեք ինձ վրա»: Այս աշխատողները միշտ սպասում են, որ իրենց գովեն, նրանք անկեղծորեն ցանկանում են, որ իրենց պարզապես ավելի հաճախ նկատեն և արդարացիորեն գնահատեն իրենց ներդրումը: 

Հիմնական արտահայտություններն ՝ 

• Ես նրանց համար եմ, և նրանք…; 
• Նրանց ամեն ինչ, Իսկ ինձ ՝ ոչինչ;
• Իսկ նա ինչ է արել, իսկ ես հարյուր անգամ ավելին եմ անում; 
• Ոչ ոք չի տեսնում, ոչ ոք չգիտի, ոչ ոք չի հասկանում, թե ինչպես եմ ես…

Խորհուրդ ղեկավարին՝ տվյալ աշխատողի հետ շփման ընթացքում օգտագործեք նախադասությունները ՝

• Ես տեսնում եմ, որ դու քրտնաջան աշխատում ես;
• Ես գնահատում եմ այն, ինչ անում ես;
• Ես անձամբ գնահատում եմ քո ներդրումը:

3. Ջեդայ

Այս տեսակի մասին արժե ավելի մանրամասն խոսել: Ջեդայ նվնվացողը ցուցադրում է կորպորատիվ նվնվոցի ամենաբարձր մակարդակը: Որպես կանոն, իրենք ամենափորձառու աշխատողներ են, ովքեր ընկերությունում ունեն երկար տարիների փորձ:

Նրանք իսկապես արժեքավոր են և նվիրված: Ջեդայ նվնվացողը հիմնական չափազանց ծանրաբեռնված չի լինում, քանի որ ունի պատվիրակելու շատ լավ հմտություն և միշտ գիտի, ում ինչ հանձնարարի, որպեսզի ինքը շատ զբաղված չլինի: 

Նա գիտի, թե ինչ է նշանակում իշխանություն, և բարձր պաշտոնի մարդկանց հետ հասկանում է, թե ինչպես է պետք խոսել: 

Նաև շատ լավ վերլուծում է, թե երբ է պետք գնալ կոնֆլիկտի, կարող է կտրուկ պատասխանել և նույնիսկ դուռը շրխկացնելով դուրս գալ սենյակից, ձեռքը թափահարելով և ասելով ,որ էլ ոչինչ չկա ասելու, էլ ինչ սպասես այս մարդկանցից: 

Ջեդայ նվնվացողը խաղի մեջ է յուրաքանչյուր րոպե ,և նա կարող է անդառնալի վնաս հասցնել, եթե օրինակ նոր աշխատողների հետ սեղանի շուրջ նստի ճաշարանում և ասի. «Այս ընկերությունում ոչինչ չի փոխվելու, թե ինչ՞ու, լսեք ինձ, ես հիմա ձեզ ամեն ինչ կբացատրեմ” 

Ի՞նչ կարող է թաքնված լինել այս պահվածքի հետևում: Ամենից հաճախ ' ճանաչման անհրաժեշտություն: Աշխատողները, ովքեր իրենց համարում են առաջխաղացման, տեղափոխման և նոր աշխատանքի արժանի, "կոտրվում են", երբ գործընկերները բարձրանում են կամ դրսից նոր աշխատողներ են միանում:

Նրանք ազնվորեն փորձում են գտնել այն տրամաբանությունը, թե ինչու է մեկ ուրիշը նշանակվում կամ խրախուսվում, իսկ իրենք ոչ և չեն գտնում այդ հարցի պատասխանը: 

Նրանց մտքով անգամ չի անցնում, որ հենց իրենց անձնական որակները խանգարում են կարիերայում առաջընթացին։ Որ իրենց պահվածքի, բացասական լինելու, տոքսիկ միջավայր ստեղծելու պատճառով է, որ չունեն առաջխաղացում: 

Հաջորդիվ նման նվնացողը հորինում է պատերազմ և թշնամիներ և պայքար է սկսում: Ջեդայ նվնվաղոցը անկեղծորեն իրեն համարում է առաջնորդ, արժեքավոր տեղեկատվության կրող և հիանալի աշխատող: Նա "կռվում է", ընդ որում ՝ ընկերության շահերի համար…

Նման նվնվացողի ներքին մոտիվացիան հիմնված է ներկայիս դերի լավ մտադրությունների վրա և ունի փոփոխությունների իրականացման շատ ցածր աստիճան: Եթե դուք փորձեք առաջարկել նման աշխատողին գլխավորել այլ ուղղություն, կամ անցնել ավելի պատասխանատու պաշտոնի, դուք հաստատ կստանանք լիովին հիմնավորված մերժում:

Այդ իսկ պատճառով ղեկավարները նման աշխատողների հետ աշխատելիս, պետք է հստակ բացահայտեն իրական նպատակները և իրական մոտիվացիան: Պետք է հասկանալ պատճառները նման վարքագծի՝ այրումն է, իներտ վիճակն է, ոչ ճիշտ զբաղվածությունն է, ոչ ճիշտ աշխատանքն է, որպեսզի օգնենք աշխատողին և վերադարձնենք կառուցողական դաշտ: